علق الإعلامي سيد على، على تصريحات المتحدث باسم صندوق تحيا مصر، بشأن قضية رد النادي الأهلي لهدايا تركي الشيخ رئيس هيئة الترفيه السعودية.

وقال سيد على خلال برنامجه «حضرة المواطن»، الذي يعرض على قناة «الحدث اليوم»، اليوم الإثنين: «في كلام كتير عايز أقوله ولكن الماء في فمي، من عاداتنا ومن عادة العرب طالما حاجة اسمها هدية طالما أنا اديتك هدية أنا اللي ادتهالك بكامل إرادتي مينفعش أجاي أعايرك بيها».

وأضاف: «في كلام كتير مش عايز أقوله، سواء إلى الداخل أو الخارج، في الآخر أنا بدافع عن أي مؤسسة مصرية، عايزها أحسن حاجة في الدنيا بغض النظر هي أهلي ولا زمالك ولا إسماعيلي».

وتابع «علي»: «النادي الأهلي مؤسسة كبيرة، النادي مؤسسة موجودة قبل بعض الدول ما تبقى موجودة».

وأكمل: «الخطيب أسطورة ومؤدب ومحترم وخلوق عايز تهدمه ليه، هتستفيد، عشان الناس تقول عليك كويس وشاطر وتصفق لك».

وأوضح وفقا لما ورد هنا: «القمة يستطيع 20 مليون أن يقفوا عليها، لكن في البعض عايزين القمة تكون مدببة، وتكون له هو لوحده واقف عليها، دي مش قمة دي اسمها خازوق، عايزين نخلص بقى من مسألة الهدايا، عيب قوي».

The post سيد علي: «النادي الأهلي موجود قبل ما بعض الدول ما تبقى موجودة» first appeared on آخر ثانية.