قالت الفنانة إلهام شاهين إن التصوير بجنازات الفنانين شيء لا أخلاقي، وإهانتهم على السوشيال ميديا يجب وضع عقاب لها.

تابعت “شاهين” خلال مداخلة هاتفية مع الإعلامي محمد موسى في برنامج “خط أحمر“، المذاع عبر قناة “الحدث اليوم”: “بجد قرفونا وزهقونا، دول ناس فاضية وعاوزين يهاجموا كل إنسان ناجح، دول ناس كسالى ومش مجتهدين فبيحقدوا على اللي اجتهدوا ونجحوا بمناسبة وبدون مناسبة، كفاية تطاول بقى”.

أضافت: “في نوعية من الناس لما تديها حريتها مبيعرفوش يستخدموها، لازم يبقى في عقاب، دلوقتي في الجنازات مبقوش بس الصحفيين بيحضروا لأ ده جمهور جاي بيضحك ورافع الموبايلات في وشنا”.

أردفت: “لو أنت مش حزين في ناس تانية حزينة على المتوفي، إحنا مش فرجة.. عيب، ده شيء لا أخلاقي، أنت جاي شمتان في الموت؟ السوشيال ميديا دي جننت الناس، أنا بكرهها من كل قلبي”.

 

في نفس السياق، أعربت الفنانة إلهام شاهين، عن استيائها وغضبها من الجدل الذي أُثير على مواقع التواصل الاجتماعي خلال الفترة الماضية بسبب صورة للفنانة ميرفت أمين أثناء حضورها عزاء المخرج علي عبد الخالق.

قالت “شاهين” خلال مداخلة هاتفية مساء الأثنين في برنامج “90 دقيقة” المُذاع عبر شاشة “المحور” وتقدمه الإعلامية بسمة وهبة، إن منتقدي صورة ميرفت أمين وصور الفنانين بشكل عام، ليس الجمهور الحقيقي لكنهم بعض من الناس الحاقدين الذين يسيئون للفنانين دائما بسبب الغيرة وعدم نجاحهم في حياتهم، مطالبة بمنع التصوير خلال العزاء والجنازات.

تابعت وفقا لما ورد في اعلام دوت كوم هنا: “أنا أكتر واحدة بيهاجموني في السوشيال ميديا لإن أنا دايما بحب أهزئهم في كل مناسبة، شوية التافهين إللي قاعدين مستخبين ورا جهاز ومالهومش قيمة ناس مش متحققة فبيغيروا من كل حد، شيء سخيف وتفاهات، ده مش نقد دي قلة أدب وتنمر، تعرضنا لسفلات كتيرة اوي

The post إلهام شاهين عن التصوير بجنازات الفنانين: إحنا مش فرجة first appeared on آخر ثانية.