بعد الهجوم عليها.. إيمان السيد تساند ياسمين عبد العزيز: من أجدع الشخصيات

بعد الهجوم عليها.. إيمان السيد تساند ياسمين عبد العزيز: من أجدع الشخصيات

بعد تعرض الفنانة ياسمين عبد العزيز للهجوم من قبل ابنة وشقيقة طليقها محمد حلاوة، ساندتها الفنانة إيمان السيد عبر صفحتها الشخصية على “إنستجرام”.

ونشرت إيمان السيد صورة للفنانة ياسمين عبد العزيز، وبدأت تتحدث عن شخصيتها وطريقة تعاملها معها، وقالت: “مش هبالغ لو قلت إن ياسمين من أجدع الشخصيات اللى قابلتها، أنا معرفتى بيها داخلة على حوالى 14 سنة دلوقتى (فترة طويلة اتغير فيها ناس كتير، وناس أكتر كانوا قريبين ومابقوش موجودين) وياسمين عمرها ما اتغيرت، طول عمرها جدعة وبنت ناس ومحترمة وبتفهم فى الأصول، بتحب شغلها وبتحب كل الناس اللى معاها يطلعوا بأحسن صورة”.

وتابعت إيمان كلامها عن ياسمين عبد العزيز، قائلة: “وزى ما خالد الصاوى قال (وبضم صوتى لصوته): ياسمين عبد العزيز واضحة وصريحة ومش بوشين وما بتجاملش ودا أريح للناس كلها، حقيقى التعامل مع إنسانة زى ياسمين مريح، خاصة لما تكون انت كمان إنسان دوغرى ومش منافق ومالكش فى اللوع”.

واستكملت وقالت: “ياسمين عمرها ما اتغيرت معايا فى عز ما كان فيه ناس كنت فاكراهم قريبين منى وكانوا يقولولها ما كفاية إيمان السيد بقى (وحتى دا عرفته من برة مش منها لأن طول معرفتى بيها عمرها ما قالت لى ولا قالت قدامى حاجة تضايقنى)، ربنا يكرمها ويرزقها كل خير “.

وقدما الثنائى أكثر من عمل معا وآخرهم مسلسل “اللى مالوش كبير” الذى عُرض فى رمضان 2021، ومن تأليف عمرو محمود ياسين، وإنتاج سينرجى، وحقق المسلسل نسب مشاهدات عالية.

اترك تعليقًا

لن يتم نشر عنوان بريدك الإلكتروني. الحقول الإلزامية مشار إليها بـ *