حازم إمام يرد على أبو المعاطى: خليك راجل واسأل باتشيكو

رد حازم إمام، كابتن نادى الزمالك، على الإعلامى أبو المعاطى زكى، والأخبار التى سربها بأن اللاعب ألقى التيشيرت فى وجه المدير الفنى السابق.

وكتب عبر حسابه بموقع “إنستجرام”: “أنا عارف إنه مش وقته خالص، بس الأشكال ديه لازم أرد عليها عشان لو ما فيش حد بيرد عليهم الكلام بيزيد بطريقة غريبة”.

وأضاف، موجها كلامه لـ زكى “إنت قولت إنى رميت التيشيرت على مستر باتشيكو عشان كده مش بشارك طيب ما تخليك راجل.. وأنا عارف إنه مش طبعك واسأل انت ومستر باتشيكو موجود فى مصر لسه مسافرش واسأله حازم عمل أى مشكلة فى الفريق مع أى حد مش معاك شخصيا وشوف الرد.. وليه إدارة النادى يا سابق عصرك معملتش أى عقوبة عليا لو حصل مشكلة.. بس يا ريت لما تسأل وتعرف تيجى تعتذر وتبقى راجل مش كعادتك يعنى”.

وتابع: “يا ريت كابتن أشرف قاسم يبقى يرد عليك وأنا عارف إنه مشغول طبعا بأمور أهم من إنه يرد عليك ولكن عشان الناس تعرف إنك كذاب ولازم سيرة النادى تتجاب بطريقة وحشة وإن الدنيا كلها مشاكل عندنا”.